पुणे महानगरपालिकेसाठी शरद पवार गट आणि अजित पवार गट एकत्र आल्यास कोंढव्यातील समीकरणे बदलणार का?

ये पब्लिक है, सब जानती है, ये पब्लिक है!

पुणे सिटी टाइम्स प्रतिनिधी,

जर दोन्ही गट एकत्र आले (किंवा पुणे महापालिकेत युती केली) तर कोंढवा भागातील समीकरणे निश्चितच बदलतील, यात शंका नाही. कोंढवा हा पुणे महापालिकेतील महत्त्वाचा प्रभाग आहे (मुस्लिम बहुल भाग, पूर्वीच्या हडपसर विधानसभा मतदारसंघाचा भाग). येथे राष्ट्रवादीचे पारंपरिक बळ आहे. २०२४ च्या विधानसभा निवडणुकीत हडपसर (ज्यात कोंढवा येते) मतदारसंघात अजित पवार गटाचे चेतन तुपे विजयी झाले (शरद पवार गटाचे प्रशांत जगताप पराभूत झाले), परंतु प्रशांत जगताप यांनी जोरदार टक्कर दिली आणि मुस्लिम समाजाकडून तुतारीला (शरद पवार गटाचे चिन्ह) जोरदार पाठिंबा मिळाला.युती झाली तर राष्ट्रवादीची एकत्रित मते एकत्र येतील, मतविभाजन टळेल.

कोंढव्यातील मुस्लिम आणि इतर मतदारांमध्ये राष्ट्रवादीला मजबूत स्थिती मिळेल. भाजपला मोठा धक्का बसेल, कारण राष्ट्रवादी एकत्रितपणे प्रभागातील जागा जिंकू शकते किंवा सत्तेत मोठा वाटा मिळवू शकते. पवार कुटुंबीयांचे (राष्ट्रवादीचे) वर्चस्व पुणे शहरात, विशेषतः कोंढवा-सेल्सबरी पार्क-हडपसर भागात भक्कम होईल.युती झाली नाही तर दोन्ही गटांमध्ये मतविभाजन होईल, ज्याचा फायदा भाजपला होईल. कोंढव्यात भाजप किंवा इतर पक्ष मजबूत होऊ शकतात.शरद पवार गट महाविकास आघाडी (काँग्रेस, ठाकरे सेना) सोबत जाऊ शकतो, तर अजित पवार गट स्वतंत्र किंवा मैत्रीपूर्ण लढत देईल.

“प्रभाग क्रमांक १९ (कौसरबाग) मध्ये कोणाला फायदा, कोणाचे नुकसान?”

सध्या कोंढव्यात भाजपला जोरदार विरोध आहे, तर तुतारीची (शरद पवार गटाची) हवा सर्वत्र पाहायला मिळत आहे. कौसरबागमधून इच्छुक उमेदवारांमध्ये शरद पवार गटाकडून काशिफ सय्यद, मोहसिन शेख, मजहर मणियार आणि हमीदा अनिस सुंडके यांची नावे चर्चेत आहेत. तर अजित पवार गटाकडून परवीन हाजी फिरोज शेख, गफूर पठाण, रईस सुंडके, नंदा लोणकर इच्छुक आहेत.

अजित पवार गट आणि शरद पवार गट एकत्र आल्यास काशिफ सय्यद व मोहसिन शेख यांना तुतारीकडून तिकीट मिळू शकते, तर घड्याळकडून (अजित पवार गटाचे चिन्ह) परवीन हाजी फिरोज शेख व गफूर पठाण यांना तिकीट मिळू शकते. मात्र, जर अजित पवार गट महाविकास आघाडीत गेला आणि आघाडीत मनसे सामील झाला, तर तुतारी १, घड्याळ १, काँग्रेस १ आणि मनसे १ अशी जागावाटपाची समीकरणे असू शकतात. यात मुस्लिम समाज अजित पवार गटावर नाराज असल्याने AIMIM किंवा SDPI ला मतदान करू शकतो.