पुणे सिटी टाईम्स ( 𝙋𝘾𝙏 𝙉𝙀𝙒𝙎) प्रतिनिधी
पुण्यातील अन्न व औषध प्रशासन विभागातील सहाय्यक आयुक्तांना १० हजारांची लाच घेताना लाचलुचपत प्रतिबंधक विभागाने रंगेहाथ पकडले आहे. त्यांना अटक करण्यात आली असून याप्रकरणी चतुःशृंगी पोलिस ठाण्यात गुन्हा दाखल करण्यात आला आहे.
साहेब एकनाथराव देसाई असे ताब्यात घेण्यात आलेल्या सहाय्यक आयुक्ताचे नाव आहे. यासंदर्भात ५४ वर्षीय व्यक्तीने लाचलुचपत प्रतिबंधक विभागाकडे तक्रार दिली आहे. याबाबत अधिक माहिती अशी की, तक्रारदार यांनी त्यांचे कंपनीचे मार्फत लॅक्टोज विक्रीचा परवाना मिळविण्यासाठी अर्ज केला होता.
सदरील अर्ज मंजूर करून परवाना देण्यासाठी अन्न व औषध प्रशासन विभागातील सहाय्यक आयुक्त (अन्न) साहेब देसाई यांनी त्यांच्याकडे १० हजार रूपयांची मागणी केली.त्यानंतर त्यांनी १० हजार रूपयाची लाच घेतली असता लाचलुचपत प्रतिबंधक पथकाने त्यांना रंगेहाथ पकडले लाचलुचपत विभागाचे पोलिस अधीक्षक अमोल तांबे आणि अप्पर अधीक्षक सुरज गुरव यांच्या मार्गदर्शनाखाली ही कारवाई करण्यात आली आहे.