गोळीबार नंतर वानवडी पोलिसांसमोर फेसबुक, इंस्टाग्राम स्टेटस वॉरचे आव्हान?
पुणे सिटी टाईम्स ( PCT NEWS) प्रतिनिधी
पुणे हडपसर सय्यदनगर मधील पच्चीस उर्फ फैजान याच्यावर गोळीबार झाल्याने पच्चीस चे छबबीस होताना वाचले आहे. अचानक गोळीबार झाल्याने सय्यदनगर मध्ये खळबळ उडाली होती. वानवडी पोलीस ठाण्याच्या हद्दीतील महंमदवाडी रोडवर सराईत गुन्हेगारावर गोळीबार करण्यात आला होता. ही घटना महंमदवाडी रोड परिसरात सोमवारी रात्री साडेअकरा वाजता घडली होती.
याप्रकरणी पुणे पोलिसांच्या गुन्हे शाखेच्या खंडणी विरोधी पथकाने दोघांना बेड्या ठोकल्या आहेत.सराईत गुन्हेगार पच्चीस उर्फ फैजान रमजान शेख ( वय. २१, रा. सय्यद नगर,) याच्यावर गोळीबार करण्यात आला होता. याप्रकरणी खंडणी विरोधी पथकाने चेतन बाळू जाधव (वय २१ रा. ससाणे नगर, अमित हाईट्स, हडपसर) आणि यश सुनिल ससाणे (रा.मोहम्मदवाडी) यांना अटक केली आहे. ही कारवाई वरिष्ठ पोलिस निरीक्षक प्रताप मानकर यांच्या पथकाने केली आहे.पच्चीस ऊर्फ फैजान शेख याच्यावर शरीराविरुद्धचे गुन्हे दाखल आहेत. फैजान शेख आणि आरोपी यांच्यात पूर्वीपासून वाद आहेत.
शेख हा रात्री महंमदवाडी रोड परिसरातून जात असताना दुचाकीवरुन आलेल्या दोघांनी त्याच्यावर गोळीबार केला व ते पळून गेले.त्यातील एक गोळी शेख याच्या पोटात घुसली. त्यात तो जखमी झाला. त्याला तातडीने ससून रुग्णालयात दाखल केले असून त्यांची प्रकृती स्थिर आहे. या घटनेची माहिती मिळताच पोलिसांनी घटनास्थळी धाव घेतली. वानवडी पोलीस ठाण्यात गुन्हा दाखल करण्यात आला असून एकाला पोलिसांनी ताब्यात घेतले.
घटनास्थळी अप्पर पोलिस आयुक्त रंजनकुमार शर्मा, पोलिस उपायुक्त अमोल झेंडे, पोलिस उपायुक्त विक्रांत देशमुख पोलिस उपायुक्त सुहेल शर्मा सहाय्यक पोलिस आयुक्त सतीश गोवेकर वरिष्ठ पोलिस निरीक्षक प्रताप मानकर (खंडणी विरोधी पथक-२,वरिष्ठ पोलिस निरीक्षक भाऊसाहेब पटारे वरिष्ठ पोलिस निरीक्षक, श्रीहरी बहिरट वरिष्ठ पोलिस निरीक्षक, उल्हास कदम यांच्यासह इतर अधिकारी व पोलिस अंमलदारांनी भेट दिली होती.
दरम्यान, खंडणी विरोधी पथक-२ चे पोलिस अधिकारी व अंमलदार हे फायरिंग करणाऱ्या आरोपींच्या मागावर होते. त्याचवेळी वरिष्ठ पोलिस निरीक्षक प्रताप मानकर यांना आरोपी हे जुना मोदी खाना कॅम्प परिसरात असल्याची माहिती मिळाली. खातरजमा करण्यात आली. अखेर पोलिसांनी सापळाकेली रचुन दोघांना अटक केली.
