पुणे सिटी टाईमस ( PCT NEWS) प्रतिनिधी
वाहनचोरी करणा-या सराईत चोरास वानवडी पोलीसांनी जेरबंद केले असून त्याचेकडुन चोरीच्या ३ दुचाकी केल्या जप्त करण्यात आले आहे.सहायक पोलीस निरिक्षक, जयवंत जाधव, पोलिस उपनिरीक्षक भोसले तसेच पोलीस अंमलदार असे वानवडी पोलीस ठाणे हद्दीत होणारे वाहन चोरीस आळा घालणे कामी सतर्कतेने पेट्रोलिंग करीत असताना, पोलीस अंमलदार निलकंठ राठोड व विष्णु सुतार यांना त्यांचे बातमीदारा मार्फत बातमी मिळाली “एक इसम त्याचेकडे एक काळे रंगाची हिरो कंपनीची पॅशन – प्रो मोटार सायकल क्र. एमएच/१२/एचएस/ ८३१३ ही घेवुन मारुती मंदिरासमोरील रोडवर, शिंदे छत्रीजवळ, वानवडी, येथे थांबलेला असुन तो त्याचेकडील चोरीची मोटार सायकल ही कमी किंमतीत विकण्याचा प्रयत्न करीत आहे.
बातमीचे अनुषंगाने नमुद ठिकाणी सापळा रचुन इसमास मोटार सायकल सह जागीच पकडुन, त्यास त्याचे नाव पत्ता विचारता त्याने त्याचे नाव सर्फराज ऊर्फ बॉब इकबाल मोमीन, वय-२३ वर्षे, रा.अलिफ टॉवर, मीठा नगर, गल्ली नं. ५ कोंढवा,पुणे असे असल्याचे सांगीतले.त्यावेळी त्याचेकडे असलेल्या सदर मोटार सायकलबाबत त्याचेकडे तपास केला असता, नमुद मोटार सायकल ही त्याने पंधरा दिवसांपुर्वी गल्ली नं. २६ / ए, नुर मज्जीद जवळ, सैय्यदनगर, महंमदवाडी रोड, हडपसर, पुणे येथुन चोरी केलेली असलेबाबत सांगीतले.
सदरबाबत वानवडी पोलीस ठाणे येथे गु.र.नं. ५२३ / २०२२, भा.दं.वि. कलम ३७९ प्रमाणे गुन्हा दाखल आहे. आरोपीकडुन मोटार सायकल जप्त केली असुन,त्यास दाखल गुन्हयात अटक करुन तसेच त्याचेकडुन एकुण १ लाख २० हजार रुपये किमंतीचे ३ मोटार सायकल हस्तगत करण्यात आलेल्या असून, त्यासंदर्भात दाखल असलेले वाहन चोरीचे ३ गुन्हे उघडकीस आणण्यात वानवडी पोलीसांना यश मिळाले आहे.
सदरची कामगिरी ही पोलीस उप-आयुक्त, परिमंडळ-५,विक्रांत देशमुख व सहा. पोलीस आयुक्त, वानवडी विभाग, श्रीमती पौर्णिमा तावरे यांचे मार्गदर्शनाखाली पोलीस निरिक्षक, गुन्हे,संदिप शिवले व तपास पथकातील सहा पोलीस निरीक्षक जयवंत जाधव, पोलीस उप-निरिक्षक, अजय भोसले,अंमलदार, अमजद पठाण,संतोष काळे,विनोद भंडलकर, महेश गाढवे,राहुल गोसावी, निलकंठ राठोड,अमोल गायकवाड व विष्णु सुतार यांनी केली आहे.