पुणे सिटी टाईम्स ( PCT NEWS) प्रतिनिधी
मी एम.एस.ई.बी. मधून बोलत आहे तुमचं लाईट बिल अपडेट करा म्हणत ५ लाखांची फसवणूक केल्याचा प्रकार उघडकीस आला आहे. तर हडपसर पोलिस ठाण्यात ४१९,४२० प्रमाणे गुन्हा दाखल करण्यात आला आहे.
याप्रकरणी एका ८१ वर्षाच्या नागरिकाने फिर्याद दिली आहे. दरम्यान आयरीस सोसायटी , ओ ६०३ , मगरपटटा सिटी हडपसर, पुणे.यातील नमुद अज्ञात मोबाईल धारकाने फिर्यादी यांना कॉल करुन मी . एम.एस.इ.बी मधुन बोलत असल्याचे सांगुन त्यांना आपले राहते घराचे लाईट बील अपडेट नाही,
असे सांगुन लाइट बिल अपडेट करुन देण्याचे आमिष दाखवुन एक मोबाईल लिंक डाउनलोड करण्यास सांगुन नमुद लिंकच्या माध्यमातुन फिर्यादी यांचे बँक खात्याची माहिती घेवुन त्यांचे बँकेचे खात्यातुन एकुण ५ लाख ५६ हजार ३२ रुपये अन्य खात्यामध्ये वळती करुन घेवुन फिर्यादी यांची आर्थिक फसवणुक केली आहे. सहायक पोलिस निरीक्षक संतोष डांगे तपास करीत आहेत.
