पुणे सिटी टाईम्स ( 𝙋𝘾𝙏 𝙉𝙀𝙒𝙎) प्रतिनिधी
पिंपरी चिंचवड नगर विकास प्राधिकरणाच्या नागरी सुविधा केंद्रातील ऑपरेटरला पुणे लाचलुचपत प्रतिबंधक विभागाने सापळा रचून रंगेहात पकडल्याची घटना समोर आली आहे. पुणे लाचलुचपत पथकाने ही कारवाई गुरुवारी निगडी येथील नागरी सुविधा केंद्रात केली.
शैलेश अकांबरी बासुटकर ४१ वय असे लाच घेताना पकडण्यात आलेल्या ऑपरेटरचे नाव आहे. याबाबत २५ वर्षीय महिलेने तक्रार केली होती.तक्रारदार यांच्या दोन लहान बहिणींचे जातीचे दाखले लवकर देण्यासाठी शैलेश बासुटकर याने चार हजार रुपये लाचेची मागणी केली.
तक्रारदार यांन लाच देणे मान्य नसल्याने त्यांनी पुणे एसीबीकडे तक्रार केली. पुणे एसीबीच्या अधिकाऱ्यांनी ३१ जानेवारी,१ फेब्रुवारी आणि आज गुरुवारी पडताळणी केली असता शैलेश बासुटकर याने चार हजार रुपये लाच मागितल्याचे निष्पन्न झाले. एसीबीच्या पथकाने नागरी सुविधा केंद्रात
सापळा रचण्यात आला, तक्रारदार महिलेकडून लाच घेताना शैलेश बासुटकर याला रंगेहात पकडण्यात आले.